هذا الشي طايحة فيه بقوووووه هالايام مادري شجاني عليه

قبل أحس طعمه كأنه دواء
بس الحين لااااا  لذيييييييييييييذ

مرررررررره أحبه

طبعا أنا كنت من عشاق البيبسي وما أتنازل عنه أبدا  مستحيل أشرب شي غيره

بس اللي صار إني مرضت والسبة هو وودوني المستشفى وهاوشتني الدكتورة وقالت لي لاعمرتس تشربينه

ومن عقبها وأنا معاقبة ما أشربه أبد

سنتين وأنا ع هالحاله

تعذيب أوب صاحي أشوف اللي حولي يشربونه وأنا ما أقدر

بس بعدين رجعت أشربه

وماهمني شي وصرت لازم أشربه مع الغداء ومع العشاء

لو يحصلي فطور ماقلت لا

خخخخخخخخخخخ بس إني لازم أفطر حليب وساندويتش صعنونيه مرررره

<< الحمد الله والشكر تناقض

ايه عاد الى فترة قريبه وأنا ع هالحاله لازم بيبسي

بس فجأه جا يوم وشربت فيه بيبسي وماقدرت أكمل العلبة
قلت يمكن شبعت ولا أنا مو بالعاده أترك ولا قطرة وحده منه

اليوم الثاني نفس الشي شربت شوي وماقدرت

وبديت أشك شسالفه عسى مافيني شي

شوي شوي بديت أشرب عصير

أنا كذا أرتعت من نفسي

المشكلة إنه مسكت معي عصير منجااا

شوي صرت أكرهه ماأطيق طعمه صار طعم البيبسي شي غريب

من جد

وصرت كل ماشربته مت من الحر

مادري شجاني

يمكن من هالحر والرطوبة اللي تخلي الواحد يشتهي أشياء كثيره

ايه عاد

قلبت الحين الموجه ع السفن أب

وااااااااااااااو

صج صج

لذيييييذ  ويخليني راااايقه مرررررررررررره

بس عندي مشكلة للحين ما أقدر أشربه إلا وأنا معبية الكاس ثللللللللللللللج

مدري شسبب

بس أكيد عشان الحر

خخخخخخخخخخخخخخخخخ

الحمد الله الحمد الله

وناااااااااااااااااااااااااااااااااااااااااااسه

أخيييييييييييييييييراااااااااا

خلصت وإفتكيت ونجحت خخخخخخخخخخخخخخخخخخخخخخخخ

ااااااااااااااااااااااااااااااء   والله من الوناسه إني برجع عاطله مره أخرى عورني حلقي من الصراخ

خخخخخخخخخخخخخخخخخخخخخخخخخخخخخخخخخخ

وه من جد هم وإنزاح

شهالمعهد

أنا قبل قلت أدخل أوسع صدري وأستانس وأشوف صديقاتي وأستفيد

طلع عكس لكل الاشياء

عاد أنا مابي أظلم المعهد كله

بس أنا يمكن الشي اللي صار لي خلاني أكرهه

يمكن لاني حظي الحلو -،- !!  اللي صرت مع مجموعه أتعب أقول ممممم

مممممممممممممممممممم

لحظه مالقيت الكلمه اللي تناسب اني أوصفهم فيه

إستغفر الله بس

الحمد الله إني إفتكيت منهم ومن شرهم

ويارب ما أشوف ناس زي كذا بالمستقبل

ويارب بعد أنساهم

خخخخخخخخخخخخخخخخ  الله يرجني

مابي أتذكر شي

مابي أخرب فرحتي

ووووووووووه أخيييييييييراااا بصير عاطله عن العمل والدراسه

-_-!!

إيه  صح

شكرآ  كبييييييييييييييييييييييييييييييييييييراااااااااااااااااه  لأخوي العزيز إحم

إللي تعبته معاي وخليته يعاني معاي بهالحر وبصقعة الشمس

شكرا من جد شكرا

شكراااااااااااااااا كبيراااااااااااااااااااااااااااااااااااااااااااااااه ثانيه  لأمي عشانها شجعتني أكمل بلحظات ضعفي

صج أمي ما كانت تأيد المعهد وعصبت علي يوم إنه صار أكثر من شهر ونص

بس بعدين  حسستني قد إيش مهمه هالشهادة اللي خذيتها

وشكراااااا بعد للباقين

ايه صح شكرا كبيره بعد لأستاذة رنا   .. صج إنها مادرستني  بس إني غثيتها بالاسئلة قبل كل إمتحان للشركة وكانت تجاوبني وتطمني

صج إني غثيثه حتى اليوم ماخليتها كله أسئله خخخخخخخخخخ  بس من جد يوم قلت لها شكرا وإني تعبتس معاي

قالت بالعكس ماعندي أي مشكلة إني أساعدتس

حتى لو كانت تجاملني بس صراحه ساعدتني ولا تخلت عني مثل بعض الناس اللي مسؤلين علي ويصفطون إستغفر الله بس

إيييييه الحياة حلوة

وووووه مبروك يا أنا

 إحم بما إن الفترة اللي راحت كنت من المغضوب عليهم !! عاد صرت أكتب الأشياء اللي أبي بجوالي الحلو P: 

ودي أتكلم كثير عن المعهد والأشياء اللي درستها والوناسة اللي عشتها إللي فجأه إنقلبت وصارت تعاسة أبدية -_-!

أجل أنا أنانية !! وما أراعي مشاعر الغير !! وما أحب إلا نفسي ومصلحتي !!

طيب خير وإذا يعني شفيها كيفي أعرفكم أنا صديقاتي أنتم وش تصيرون لي طيب ؟؟

أوف من السالفة اللي صارت لي بالمعهد السخيف !! حسيت كرهت العالم كله

يعني إلى متى فيه ناس عقولهم صغييييييره مرررررررررررررره أتعب وأنا أقول صغيره والله حرام أشبههم بالاطفال !!

المشكله الي قاهرني إنهم حريم كبار !! متعلمات !! ياربي بس

إستغفر الله ماودي أتكلم بسكت أصرف لي !!

متى أخلص بس وأفتك حشى صار كورس بالجامعه مو دورة !!

المهم

بما إن الطريق للمعهد مره طويل وزحمة فخطر ببالي فكره إن أي شي أشوفه ويلفت نظري أطلع جوالي وأكتبه فيه

حتى هالفكره عجبت إختي وأقنعتها تسويها   منها نضيع الوقت ونحس إننا وصلنا بسرعه خخخخخخخخخخخخ

عاد أول شي لفت نظري وعجبني حييييييييل لدرجة إني ودي أكتبها على باب غرفتي من كثر ماعجبتني خخخخخخخخخخخخخ

واحد كاتب على سيارته

.Donot smoke near me  ، your life may not worth much!! but main is

مرررره خطيره الحركه عجبتني حيييل  

اليوم الثاني كنت متحمسة أكثر إني أشوف أشياء أكثر وأكتبهم

شفت سيارة ومكتوب فيها من ورا بخط كبيييييير يعني اللي مايقرا يقراا

No time 4 love

يؤ مسكين  ..  هه  غباء مررره

والله حرام تخرب سيارتك على كذا

مثل واحد كاتب بالعربي على سيارته مذكر بالضبط وشو بس إنه كلام يعني حبيبتي اللي كذا وكذا  على سيارته من ورا وبالخط العريض

طيب عندي سؤال هذولي مايستحون ؟

يعني أبوهم ولا أمهم مايشوفون سياراتهم ؟

طيب هم مثلا مايوصلون خواتهم ؟

والله غريبه أحس الناس صار عندهم كل شي عادي

!!

ماعلينا

وحده من الحملات اللي هابه هاليومين:

السعودية للسعوديين فقط !!

من جد من عقب ماشفت هالحمله وأنا بادية ألاحظ بشكل كبير تجمع العماله عندنا

أنا بتكلم عن العماله اللي بالشوارع عندنا واللي بكل مكان ومسببين زحمة واللي فجأه تقولون الديرة ديرتهم وقامو ينافخون علينا

أنا مالي شغل باللي في الشركات واللي إنهم ماخذين مناصب عاليه ومخلين السعوديين الكفء ببيوتهم ولا تبي وظيفه ترا فيه مندوب مبيعات ولا إستقبال !!

أدري إن الشغل مو عيب بس ترا والله السعوديين فيهم ناس تساهل مناصب أكبر من كذا ولا يعني السعودي يدرس بالجامعه ومعه شهادة وسبحان الله المصري ولا اللبناني أعلى منه وشهادته أحسن !!  آه صح يمكن عنده خبره !!!

بل كل هذا وأنا مابي أدخل بالموضوع خخخخخخخخخخخخ

إيه نرجع للمحور حديثنا إللي هو العماله اللي كاثره هاليومين !!
مليت وأنا أشوفكم بكل مكان أوووووف السعودية إمتلت منكم -_-!
روحو بيتكم !!

والله جد رحو بيتكم !!

يوه من أوقف بالاشاره كل السيارات اللي جنبي واللي وراي واللي قدامي كلهم هنووود !!!!!

ياربي حتى سواقنا هندي

لاعت كبدي خلاص !!

أستسلم ..

صرتو أكثر مننا يآآآرب

* شي ضحكني ذاك اليوم مدري هو ضحكني صج ولا ضحكت وأنا متألمه من اللي أشوفه !!
سائق شاحنة فلبيني والشحنة كانت عماله هنود !!
هه مضحك جدا !!

هذا بالضبط اللي كتبته لمن وقفت بالاشاره وكانت جنبي هالشاحنه

والله تقول دجاج مثلج المشكله إن الشاحنه مصكره يعني كأنها برادة هذيك بس هم كانو فاتحين الباب !!

ياربي أنا ما أتطنز على اللي صاير بس والله حرام

أجي وأغترب عن أهلي وأتمرمط كذا !!

مايسوى ترا جد أتمرمط في ديرتي أصرف ..

أجل كذا يعاملوني معامله الحيوانات خير والله أروح ديرتي وأشتغل على قد حالي أصرف لي

يبهذلوني وليت الراتب سنع اللي يسمع يقول لمن برجع بصير مليونير !!

مايسوى ترا

يالله روحو بيتكم    <<<<  -_-!

إيه نسيت

أنا صايره مدري شبي !!

جد والله أحسني صايره شريره بزياده

ولا أهتم بحد !!

يمكن عقب الموقف اللي صار لي بالمعهد

أحسني تعلمت إن  أصابعي مو سوا <<< شدخل بس أحس تناسب

اي والله أحس إني ودي أصير قوية !!

يمكن إسلوبي اللي أتعامل فيه الحين بيخليهم يحسون شوي إني أنا هنا

بيتضايقون أدري

بس مايهمني

صرت عديمة إحساس .. نهائيا ماعندي هالاحساس !!

بالطقاق أنا شمستفيده منهم !!

ياكثري وياكثر قرقتي

بس والله وناسه سالفة المدونه خخخخخخخخخ

أكتب على راحتي وماخاف من أحد ولا يعني أراعي مشاعر أحد ولا ياربي برستيجي خخخخخخخخخخخخخخخخ

<<<  والله ماودي أصير كذا بس مدري شجاني يمكن هاصدمة أثرت فيني واجد

شريره (6)

الله يجزاهم خير كليتنا الحبيبه يوم إننا تخرجنا عطونا هديه للي جايبين نسب مرتفعه خلو لهم الهديه مجانيه واللي نسبه شوي قليله عطوهم خصم 50%

طبعا الهديه كانت دورة ICDL

ويوم الاثنين بدأ دوامي

والمصونه أنا مارحت

مو عشاني مهمله

لأ

عشآن محد وده يوديني !!

حيث إنه مجاني يحسبونه لعبه!!

بس يوم جا الثلاثاء حنيت فوق روسهم إلا غصب تودوني وإني مصختها وأخذو حضور وغياب وبدو بعد !!

لازم ألحق عليهم

>>> متحمسه واجد إني أدرس

المهم رحت الثلاثاء هو الدرس يبدأ 5 ونص ومع حوسة شوارعنا الجميله والنفق اللي طاح وسكرو الشوراع ومدري وشو

ضعنا !!

وماوصلت المعهد إلا 6 وربع

ياحليلي هذا أولها تأخير

المهم

أنا كنت خايفه إن الابله تهاوشني ولا ماترضى لي إني أدخل عشاني متأخره

بس الحمد الله ربي سهل أمري وخلى أبلتي أحلى من العسل

طيووووبه حيييييييييييييل تزنن

بشوشه بس تضحك وتتبسم

المهم إني أول مادخلت كانت تصلي وأروح لمها بالغرفه اللي تصلي فيها

وأطق الباب يعنني مؤدبه حيييييل بس دخليني تكفين

وأول ماشفتها كانت تسبح وتذكر ربي ومشتطه تلبس بوتها عشان يمديها تركض وتكمل الحصه

قلت لها

السلام عليكم أنا … وتراني اليوم متأخره بس مو مني والله طالعه من بيتنا من 5 بس الطرق وبيتنا البعيد مدري معهدكم هو اللي بعيد ووو إلا تقاطعني وهي تبتسم وتقولي ميخالف عادي روحي يالله للكلاس

أنا !!

طيب هاوشيني شوي

تقول عادي أنا متفهمه لوضعتس

وأدخل الكلاس إلا أشوف صقيقاتي الدميلات ياملحهن حاجزاتن لي كرسي

وأقوم يازعم ودي أعرف نفسي على البنات مير تطقني النفاضه وأستحييي و أجلس بالكرسي ولاشفت أحد

إلا ألتفت على صقيقتي اللي بجنبي وأنتبه للي وراها وتقوم عيوني تقول كذا (يعني توسعت) أعرف مررره أشرح

المهم كانت المخلوقه اللي شفتها دكتورة العربي !!!!!!!

خيييييييييييييير مالقيتي إلا ذا المعهد لالا مالقيتي إلا كلاسي تدرسين بوه !!!!!!!!!

لاااااااا

طبعا إنتم ماتعرفون معاناتي معاها

هي الصراحه ليست معاناه شخصيه المره ماضايقتني أنا شخصيا بس ضايقت بنات كلاسي أيام الكليه

كانت تدخل وتسفل بس هذي شغلتها وتطرد صقيقاتي كانت تكرهنا بمعنى الكلمه حتى إن وصل فيها المواصيل تسب وحده من سباتها إننا بهايم

على قولتها ” إنكن بهائم !” يعنني تكشخها بعد

ومره تقول لبنت إنتي بقره تجترين!!

وآخر شي إكتشفت إن البنات أجساد بلا عقول !!!

يعني هي تكرهنا وتكرهنا لا شويه تكرهنا !!

مدري شسوينا لها بس هي عموما قالت إنها تكره بنات الانجليزي لانهم شايفاتن أعمارهن على اللغه العربيه ويعنني هم الكشخه

ياماما مين قالتس إننا مانعرف نهرج عربي ولا حتى متكبرات !!

* تدرون ترا مو هي لحالها قسما إن بنات الانجليزي أكثر قسم في كليتنا يعاني من الاشاعات والحقد والكره من قبل الاقسام الثانيه

إيه منقهرين مننا خخخخخخخخخخخخخخخخخ

المهم هي عرفتنا حنا يالثلاث وتسوي روحها مره طيبه ويعنني أسولف معاكم

أنا ماعطيتها وجه لاني مو من النوع إللي ينسى بسرعه ولا يعنني إنتي إنسانه جديده فجأه

وماحب أتكلم مع اللي أكبر مني خخخخخخخخخخ

عاد هي غثتنا واجد صباياا وصبايا وكل شوي تلف لمنا وشلون أحط كذا ووشلون أسوي كذا !!

يماما فيه مدرسه ووووه

ماعلينا

أنا فتحت الجهاز وبديت أطبق

هو هالثلاث أيام كلها طباعه عشان تتعود اليد على الكيبورد ونحفظ أماكن الحروف والارقام

عاد أنا والحمد الله أعرف مررررره

أول محاوله خلصت التمرين ب 10 دقايق و66 خطأ بس

يوم شافتني المدرسه مير تقول ماشاء الله عليتس هذي من أول محاوله وكذا يعني شكلك كل شوي عاللاب خخخخخخخخخخخخخخخخخخ

المهم إنها مره إستانست مني

تخيلو في بنات مايعرفون يمسكون الماوس ولا يفتحون الجهاز

مممممممم تعبت أصباعاتي صار فيهم شد عضلي

بكره إن شاء الله أكمل

* صج إني قرقة وسوالفي ماتخلص الله يهديني ويصلحني

أصلا توني أدري إن مجتمعنا أو البعض من مجتمعنا للحين عنده هالفكره ومتمسكه فيها بعد !!

كنت قاعده أشوف برنامج تركي الدخيل وكان يحاور الشيخ عادل الكلباني  .. للحين وأنا مستمتعه من الحوار !!

فجأه ومن دون مقدمات قامو يتكلمون عن نظرت الناس للشيخ بعد ما خلاه الملك يصير إمام الحرم المكي !!

يقول الشيخ إنه يوم سمعو الناس عن هالخبر .. قامو يرسلون مسجات ..

واحد من هالمسجات قال للشيخ ” يالخال ” .. !! و إنه مثل أوباما .. إن أوباما خال !! وصار رئيس الولايات المتحده الامريكيه !!

والشيخ الكلباني  خال !! وصار إمام للحرم المكي الشريف !!

طبعا أنا هنا صعقت !!  ..

وكملها وقال أكيد ” مازحاً “  ..!!

يعني وصلت فيهم المواصيل يمزحون بهالامور !!

ويكملها الدخيل ويقول كلمة الخال !! ” تلطيف ” !!

ويبتسم الكلباني !!

ولا أصلا توني أدري إن فيه تمييز البعض عن الاخر !! ولا حتى يعني مين يقول إذا إختلف اللون !! يعني ماينفع !!

أجل  وش خلينا للغرب والغير المسلمين اللي عندهم هالعنصريه !! لا وننقد عليهم بعد

ووين الاسلام والدين .. مو الدين يحث على المساواه !! وترك العنصريه والتمييز ؟؟ !!

كيف أجل نصف أنفسنا إننا مسلمين وحنا بهالشيء البسيط مو قادرين عليه !!

صدمه صراحه وتوني أدري إن السالفه كذا !!

أنا أصلا مادري وين كنت عايشه ؟؟ !!

بس أشوى الحمد الله إللي الملك فيه الخير وبدأ بالمساواه ..

* كنت هنآ .. وكنت مقهوره .. وللحين =(

ما أود التحدث به هو  الحلم الذي يقودنا نوعا ما إلى هدفنآ في الحياه .. الهدف الذي نطمح الوصول إليه وتحقيقه

هل يستطيع الحلم قيادتنا إلى الهدف ؟؟ أم نحن من نقود الحلم للهدف ؟؟

نسّير  أم نسير به !!

هل حقآ هناك حلم يقودنا إلى الهدف ؟؟

قد يكون هناك أهداف ولا توجد أحلام !!

هل يمكن أن نحقق تلك الاهداف من دون الحلم ؟؟

لحظه !!

هل لدي هدف أو حتى حلم  هنآ

لا .. لا أظن ..  لكن  حلمي في الحياه لن يقودني لهدفي !!

قد أطمح لفعل شي .. لكن لن يصل لمسمى حلمي أو حتى هدفي ..

مممممم لا أعلم ما هو الهدف من هذه التدوينه !!

فقط ..  ” مزاج ” .

بعيدا هنآك ..

في العالم الاخر يسكن طيفٌ ينتظر حلول منتصف الليل ليعود الاطياف لقصرهم العالي لينالُ قسطا من الراحه وهو .. يتسلل خارجا
لعالمي

:

:

أنتظر كل ليله عند نافذة غرفتي سطوع نوره في السماء
ليس كعادته اليوم
تأخر كثيرا
غفيت عند نافذتي
طرقها ومد يده لي إبتسمت مددت يدي
حلق بي
وحلقت
لأول مره أحلق بعيدا هكذا
قال لي سأجعلك ترين عالمي
أريدك هناك معي
وصلنا إلى باب السماء
دخل هو ووقفت أنا عاجزه عن الدخول
مابك : هيا إدخلي هذا هو عالمي

ويشد على يدي محاولا إدخالي
لا أستطيع لا أستطيع
شيئأ ما يمنعني من الدخول
جاء حارس العالم وقال لا يمكنها الدخول
لم يحن الوقت بعد
!!

تركني
وسقطت

:

:

آآآآه كم هي مؤلمه
ماهذا أين أنا ؟
أوه .. ياله من حلم مزعج
مرت تفاصيل حلمي كشريط من الذكريات المؤلمه امام عيني .. بعدها
أصدرت تنهيدة مره .. كعالمي
مرٌ
خالٍٍ من السكر !
تماما كمذاق قهوتي الان

:::

فصولي الاربعه

صيف جاف كمشاعري الآن & وأحس بعصبية تقتل طيبتي . لم أعد أحترم أحدا . لا أعلم ما أصابني لكن لم يعد لهم مكاننا في قلبي..

ربيع تفتحت فيه زهور أمنياتهم وليست أمنياتي ..مازال الـ   هو  بعيد

خريف تتساقط فيه أوراق الشجر لتنبت لتصبح أجمل & وتتساقط فيه أمآلي حتى لاتعود

قبيح هو تفكيري ممله هي حياتي كعادتي وحيده بينهم أسمع صرخات تناديني ولكن لا أستجيب .

شتاء بارد كمشاعري تجاه من حولي من الناس ( تعبت أقرب لهم بس هم يبعدون ويبعدون )أبحث عن فنجان قهوة مره كحياتي .. لتدفأني من جديد .

فصولي الأربعه هل من مزيد !!
نعم هل من مزيد لتقتلي في كل حلم جميل ؟! مزيد من الوحده . الألم والخوف

مزيد من قهر لا ..

لم أجد تلك الكلمه لتصف ما قهري !

مزعوجه الآن ..حتما ..كما قال ذا الرداء الأسود الطويل .. ستجدين حل لحياتك
لربما أعطاني دافع لأبحث عن حل للغز كبير أسميه .. أنا

((يجعل من كل ضيق مخرجا) ) سأنتظر ….

 ٢/٧/٢٠٠٨

كح كح  ^^