وبدأ الدوام !!
الله يجزاهم خير كليتنا الحبيبه يوم إننا تخرجنا عطونا هديه للي جايبين نسب مرتفعه خلو لهم الهديه مجانيه واللي نسبه شوي قليله عطوهم خصم 50%
طبعا الهديه كانت دورة ICDL
ويوم الاثنين بدأ دوامي
والمصونه أنا مارحت
مو عشاني مهمله
لأ
عشآن محد وده يوديني !!
حيث إنه مجاني يحسبونه لعبه!!
بس يوم جا الثلاثاء حنيت فوق روسهم إلا غصب تودوني وإني مصختها وأخذو حضور وغياب وبدو بعد !!
لازم ألحق عليهم
>>> متحمسه واجد إني أدرس
المهم رحت الثلاثاء هو الدرس يبدأ 5 ونص ومع حوسة شوارعنا الجميله والنفق اللي طاح وسكرو الشوراع ومدري وشو
ضعنا !!
وماوصلت المعهد إلا 6 وربع
ياحليلي هذا أولها تأخير
المهم
أنا كنت خايفه إن الابله تهاوشني ولا ماترضى لي إني أدخل عشاني متأخره
بس الحمد الله ربي سهل أمري وخلى أبلتي أحلى من العسل
طيووووبه حيييييييييييييل تزنن
بشوشه بس تضحك وتتبسم
المهم إني أول مادخلت كانت تصلي وأروح لمها بالغرفه اللي تصلي فيها
وأطق الباب يعنني مؤدبه حيييييل بس دخليني تكفين
وأول ماشفتها كانت تسبح وتذكر ربي ومشتطه تلبس بوتها عشان يمديها تركض وتكمل الحصه
قلت لها
السلام عليكم أنا … وتراني اليوم متأخره بس مو مني والله طالعه من بيتنا من 5 بس الطرق وبيتنا البعيد مدري معهدكم هو اللي بعيد ووو إلا تقاطعني وهي تبتسم وتقولي ميخالف عادي روحي يالله للكلاس
أنا !!
طيب هاوشيني شوي
تقول عادي أنا متفهمه لوضعتس
وأدخل الكلاس إلا أشوف صقيقاتي الدميلات ياملحهن حاجزاتن لي كرسي
وأقوم يازعم ودي أعرف نفسي على البنات مير تطقني النفاضه وأستحييي و أجلس بالكرسي ولاشفت أحد
إلا ألتفت على صقيقتي اللي بجنبي وأنتبه للي وراها وتقوم عيوني تقول كذا (يعني توسعت) أعرف مررره أشرح
المهم كانت المخلوقه اللي شفتها دكتورة العربي !!!!!!!
خيييييييييييييير مالقيتي إلا ذا المعهد لالا مالقيتي إلا كلاسي تدرسين بوه !!!!!!!!!
لاااااااا
طبعا إنتم ماتعرفون معاناتي معاها
هي الصراحه ليست معاناه شخصيه المره ماضايقتني أنا شخصيا بس ضايقت بنات كلاسي أيام الكليه
كانت تدخل وتسفل بس هذي شغلتها وتطرد صقيقاتي كانت تكرهنا بمعنى الكلمه حتى إن وصل فيها المواصيل تسب وحده من سباتها إننا بهايم
على قولتها ” إنكن بهائم !” يعنني تكشخها بعد
ومره تقول لبنت إنتي بقره تجترين!!
وآخر شي إكتشفت إن البنات أجساد بلا عقول !!!
يعني هي تكرهنا وتكرهنا لا شويه تكرهنا !!
مدري شسوينا لها بس هي عموما قالت إنها تكره بنات الانجليزي لانهم شايفاتن أعمارهن على اللغه العربيه ويعنني هم الكشخه
ياماما مين قالتس إننا مانعرف نهرج عربي ولا حتى متكبرات !!
* تدرون ترا مو هي لحالها قسما إن بنات الانجليزي أكثر قسم في كليتنا يعاني من الاشاعات والحقد والكره من قبل الاقسام الثانيه
إيه منقهرين مننا خخخخخخخخخخخخخخخخخ
المهم هي عرفتنا حنا يالثلاث وتسوي روحها مره طيبه ويعنني أسولف معاكم
أنا ماعطيتها وجه لاني مو من النوع إللي ينسى بسرعه ولا يعنني إنتي إنسانه جديده فجأه
وماحب أتكلم مع اللي أكبر مني خخخخخخخخخخ
عاد هي غثتنا واجد صباياا وصبايا وكل شوي تلف لمنا وشلون أحط كذا ووشلون أسوي كذا !!
يماما فيه مدرسه ووووه
ماعلينا
أنا فتحت الجهاز وبديت أطبق
هو هالثلاث أيام كلها طباعه عشان تتعود اليد على الكيبورد ونحفظ أماكن الحروف والارقام
عاد أنا والحمد الله أعرف مررررره
أول محاوله خلصت التمرين ب 10 دقايق و66 خطأ بس
يوم شافتني المدرسه مير تقول ماشاء الله عليتس هذي من أول محاوله وكذا يعني شكلك كل شوي عاللاب خخخخخخخخخخخخخخخخخخ
المهم إنها مره إستانست مني
تخيلو في بنات مايعرفون يمسكون الماوس ولا يفتحون الجهاز
مممممممم تعبت أصباعاتي صار فيهم شد عضلي
بكره إن شاء الله أكمل 
* صج إني قرقة وسوالفي ماتخلص الله يهديني ويصلحني
باك
=><
ايه عاد قعدت أسولف معاهم ياحليلهم خشيت معاهم بسواليفهم خخخخخخخ أضيع وقت على بال مايبدأ الدرس
وأقوم وأرسل مسج لصقيقتيني وأقولهم تعالو الحين بسرعه تراني بالمعهد خخخخخخخ
ايه جو عاد وقمنا نسولف
وجو بنتين هم خوات معانا بالكلاس
بس انا ماعرفتهم لاني أمس ماشفت البنات ولا ثبت وجوههم للحين
**
عا قامت تقولي انتي فلانه قلت لها ايه قالت انتي اللي بانجليزي قلت ايه قامت الاخت تسأل وأنا بس أجاوب
الله يصلحني كأني قاعده بتحقيق بس الغريبه
إن أول مره في حياتي أحد يسألني وأجاوب عليه من دون نقاش او حتى أرجع وأساله بدوري !!
حتى أنا إستغربت من نفسي
خلص التحقيق لا والله ماخلص إلا يوم جت صقيقتي الاولى وسكتت هذي فجأه
رقينا فوق ع أساس نروح للكلاس عشان مانتأخر يعني اول وحده أجي للمعهد بعدين أدخل متأخر للكلاس !! صعبه هذي
المهم رحنا وقعدنا بالاستراحه اللي فوق جنب كلاسنا بس عشان اذا شفنا الأبله ندخل قبلها خخخخخخخخ حركات الثانوي
ايه
وننتظر صقيقتي الثانيه اللي للحين ماجات
بعدين صار 5 وجت الأبله وقمنا بندخل الكلاس
أنا أحسب خلاص كل وحده بتدخل وبتقعد بمكانها اللي أمس
بس تفاجأت إنهم كلهم مغيرين أماكنهم وفيه ثنتين يتطاققون على مكاني اللي أمس قعدت فيه !!!!!
خيييييير يحسبون المكان بيخليهم يكتبون صح وبسرعه ^^,
ماعلينا خليتهم يتطاققون وبأعلى صوتي قلت أشوى مير مابي أقعد هناك أمس غتني الابله كل شوي تصقع بكرسيي !!
إلا هم بدو يعزمون على بعض لا أبد خذيه إنتي لالا إنتي إقعدي
خخخخخخخخخخخخخخخخخخخخخخخخخخخخخخخخخخخخخخخخخخ
المهم إننا قعدنا بآخر الكلاس !!
المكان حلو وجنب المكيف ووناسه بس إن الكيبورد عله يبيلي أضغط بأقوى قوه امتلكها بيديني عشان ينضغط حرف !!!
ماعلينا
بدينا الكلاس وبدينا التدريب مره ثانيه على الطباعه يعني وين وقفت أمس أكمل
بديت أنا بالدرس الرابع العالي وخلصته ب 6 دقايق وعندي بس 8 أخطاء
واللي خلاني أصرخ بأعلى صوتي من الحماس خخخخخخخخخخخخخ
إستانست الابله وقالت لي شكلك خلاص بتقفلين البرنامج اليوم
قلت لها إذا خلصت اليوم منه نخلص طباعه لاني زهق منها أبي أدرس شي ثاني أبي أذاكر !!
والبنات بدو يصارخون وش تبين أنتي أحد يبي يذاكر
الابله قالت لي شكلك من زمان مادرستي ؟ وعلى طول قالت لا إنتي توك متخرجه شفيك ؟
قلت لها إني متحمسه إستغليني دامني متحمسه وأبي أذاكر
ضحكت وقالت خلاص السبت آخر كلاس طباعه
هي قالت كذا تحسبني ماراح أقدر أخلص البرنامج اليوم
وأذن المغرب وأنا خلصت الامتحان الثاني وناااسه محد خلص الدروس من البنات بس أنا وبديت بالامتحانات بعد
قمنا ورحنا نصلي
غرفة الصلاة تحت
وأنا المصون جايبه سجادتي معاي
عندي مشكله ترا بس ماشتهي أي شي
وسجاداتهم ترا ماهناهاك النظافه فيهم أحس لونهم مايل للسواد !!
المهم سجادتي اللي كاشخه فيها شريتها من مكه هي سجاده مع شنطتها مرررررررررررره حلوووه
أسوي دعايه خخخخخخخخ
المهم الشي الغريب والحلو في نفس الوقت
إن يوم صليت المغرب وخلصت خلصو البنات قبلي وفيه اللي كانت تصلي واللي تسفط السجاده
المهم أنا قمت أصلي السنه
إلا شوي كلهم فللو السجاجيد وقامو يصلون السنه !!
وناسه حسيت بوناسه إنهم يوم شافوني قامو يصلون السنه
عاد أنا إستانست
المهم رحنا ورقينا فوق وكملنا الامتحانات وآخر شي سويته أنا
خلصت البرنامج ب 5 دقايق ولا خطأ
شرايكم فيني
الالبله مررررره إنبسطت تقولي سويت رقم قياسي أتحدى أحد يوصل لك
خخخخخخخخخخخخخخخخخخخخخخخ وناسه
طلعت عندي موهبه
موهبة الطقطقه على الكيبورد خخخخخخخخخخخخخخخخخخخخخخخخخخخخخ
الله يصلحني يارب ويهديني ويحميني =)
إيه وبس خلص اليوم ورجعت بيتنا إلا أصدم صدمة ماكانت على البال
ولد أختي الصعنون قصو شعره
لالا مو قصوه إلا خلاص قضو عليه
إهيء إهيء حرام عليهم خربو شكله
حتى هو ياحياتي يموت بالكشش طيب
ويوم حلقوه قام يقول
وين سعري !!
ياقلبو خالتو إنتااا
وبس
من كثر الطقطقه الظاهر والتدريب صارو أصباعاتي يتجمدون ويتشنجون بسرعه !!
لاااا أخاف عطوني عين !!
خخخخخخخخخخخخخخ
^^, يالله سلام نلاقكم بالايام القادمه إن شاء الله
إيه نسيت أقول إن صقيقتي الثانيه جت متأخر لانها ماتغدت ومر أخوها يشري لها دونات وقهوه خخخخخخخخخخخ
والشي الثاني اللي نسيت أقوله إن يوم السبت قررت الابله اننا نبدأ بالدروس خلاص عشاني أنا المصون خلصت البرنامج واللي بقى ماخلصت تختمه وتتدرب عليه في بيتهم !!
لانو مو معقوله نعطي الطباعه أكثر إهتمام من الدروس اللي بناخذ الشهاده فيها بإذن الله
إيه تراها قالت لنا الطباعه مالها دخل بال ICDL
بس بتعطينا شهاده طباعه زياده لاننا سويناه معاها
يالله خلاص بسكت =^^=
هذي مشكلتنا العرب نستهتر باي شي بلاش حتى لو انه كورس..
ربي يوفقك و يخلي لكم المدرسه الطيبه
إيه أنا ملاحظه هذا الشيء
المفروض الواحد يستانس على الاقل كسب شي ببلاش !!
الله يسمع منك بسالفة إن ربي يوفقني
بس أبشرك الأبله صارت شريرة !!
شكرآ لتواجدك (F)